|would you live your life like a butterfly?|

ja ich weiss, es war ne geile zeit...

Mood: Unbeschriiblech. Unbeschriiblech komisch.
Music: Wonderwall - Oasis (der wösset was das heisst )

*heul*. Es esch verbii...
Gester im Englisch, i der letzte Stond hani vo der Johanna e Charte becho wosi mer vöu Glöck wönscht&so.. Oh Gott e ha denn scho fasch ghület. Am Schloss vo der Stond het denn d Nadja (wo ou got) chorz öpis zu der Klass gseit, und zmetzt drenn het si eifach afo hüüle. Denn der Maurus no und denn eg... Und denn beni eifach dört ghocket und ha nor no ghület, und alli hei mi eifach agstarrt und hei ou Träne i de Ouge gha und hei afo gränne... Denn seit der Diego so zu mer:Scheff, fang doch ned afo hüüle.... Und e be eifach so dört ghocket und ha nüt gseit. Denn heter nor so jööö gseit und het mi omarmt... Denn hei alli no me afo hüüle und mer si ufgstande, hei üs umarmt und e ha eifach nöm chöne... D Carole esch eifach nor dört gstande und het gseit si wett ned tscüss säge, si wett ned dases verbii esch... Si het mi de trotzdem müese omarme, und het mi eifach nöm wöle los lo... D Meitli hei aui ghület, der Spörri, wo doch sösch so hert esch het ou Träne i de Ouge gha und die andere Jungs si eifach nur wahnsennig stell gsi...
Denn si mer aui zäme i Lift, die ganzi Klass inequetscht, wie emmer am Fritig... und das esch eifach s letzte Mou gsi. Und e ha mi gfrogt: Was machi eigentlech? E ha die geilsti Klass uf Erde und wett eifach go?
Ufem Weg abe hei mer üs de emmer weder umarmt, hei üs ghebt und so... und der Diego het emmer Wetzli gmacht zum mi ufmuntere was mi no me zum hüüle brocht het, weli das doch ou nöm ha... Es esch soo schlemm gsi..
Gester Obe hani es SMS vo der Carole becho..

Hey Schefii... Jöö du besch höt eifach zu herzig gsi. Bi richtig öberforderet gsi wo du ou no hesch afo hüüle =(. Weisch. Werde di ächt riiesig vermisse. Abr mer gse üs jo scho no =). Bis glii. Muaa^^
(Muaa esch es Kössli )

De hani mis allerletzte Scheff-SMS abgscheckt (emmer wenn öpis gsi esch hani aui per SMS (öbers Internet) informiert...)zum nomou danke säge för das geile Johr und ha undedra "der Ex-Scheff" gschrebe.

Und die Reaktione wo druf cho si...

Bianca
Jöö du besch doch ned üse Ex-Scheff, wersch emmer üse Original-Scheff bliibe. Vele Dank und alles gueti <3. muaa

Söuv
Jöö Scheff, e werde di mega vermesse! E probiere s beste zgä dasi mi Job annähernd so guet cha mache wie du...Hdg

Ole
Heii! För me und e denke för aui wersch emmer der kuulschti Scheff aller Zeiten bliibe! Der Absched höt esch echt mega schlemm gsi! Mer werde di meeega vermesse . Aber es esch noni verbii, mer gsäi üs weder ond e be mer secher dass du es haammer Johr in Mexico werdsch ha . hdsumfl ole

Gina
heii Scheff.. Esch wörkli super gsii das Johr und du muesch wösse du besch der best Scheff wos get. Du wersch emmer öise Scheff si . Das cha niemer ersetzr und öberträffe sowiso net. Besch mer ongloublech as Härz gwachse. Vermesse di jez scho...Merci för aues . Machs guet. Ha di sooo gärn

Röme
eeeyy ex-scheff... merci vieu mau förs sms... bisch vouu de gaail scheff gsiiii...dankä... i wönsche der ganz e tolli ziit en mexico ond lass mal was von dir hören.... wirda di vermisssaa... machs guet.. ha di voll gäärn...

Und jetz hei aui i erne Näme im MSN so Sache wie "we'll miss you.."
Scheisse. Was machi nor oni die Klass? Es get ächt ke besseri aus die und mer hei nach eim Johr scho de Zämehaut gha wo es paar Klass bis zur Matur ned mou schaffe..
Und so warens nur noch 14...

Aaber, s positive a dem ganze: E ha ne riesig geniali Gastfamilie, bechome verdammti Mails und schribe ou verdammti Mails zrogg (emmer ganz uf Spanisch . Ha zwar gester e ganzi Stond derför gopferet aber das eschs mer wert )
Und i 55 Täg gots loooos! Das esch 1 Monet, 3 Woche, 3 Täg... jiiha .

(P.S: Mer si am Donstig go "we will rock you luege" E empfele s jedem, es esch me aus es Musical gsi . Und e schwöre der heit no nie e Maa gse, wo so geeil cha senge, schouspelere und so kuuli Hoor het .)
Sime am 7.7.07 16:43


DURANGO!

e ha mini gastfamiliiiiieeee :D

Me gets im Ustuschblog

kommis erwönscht :P
Sime am 4.7.07 20:59


when you walk away i count the steps that you take

No...

..5 Schueltäg
..8 Wochenend
..7 Woche Ferie
..1Woche schaffe
..2 Mou Zahnarzt
..1Mou Arzt
..1 grossi Shoppingtour *g*
..1 Mou Pfadi...
..61 Täg oder..
..1 Monet, 4 Woche, 2 Täg!!

Es esch Juli! Und de werd eifach nor hammer... Es esch zemlech secher dasi im Juli mini Familie bechome. E cha jetz endlech säge "Nöchst Monet flügi"
Der letzt vollständig Monet i der Schwiz het agfange (jo, wege es paar Stond :P) und e be so glöcklech und ha eifach es riiise Hoch.. das Johr woni jetz uf Mexico ha müese warte esch verbi... . E chas ned gloube..
E gniesse jetz die letzti Woche Schueu, mache ganz vell Föteli und denn gots id Ferie...

Wösset der eigentlich dasi nech alli liebe? *g*

Aber d Pfadi werd mer ou mega fehle... gugget nech das a:

Free Image Hosting at www.ImageShack.us

jo jo bearbeitet...aber so süss <3.
Sime am 1.7.07 14:45


es ist viel zu schnell vorbei...

Mood: Wuhuhuh
Music: Am Strand - Farin Urlaub (schecki de mire Klass weni z Mexico be *gemeinlach* das si d lyrics )

So, no ein Spanisch möndlech Test und denn esch fini .
De gots i die laaange Ferie, wo aber langsam Form anäme . Lagerbsuech 2 Mou, Schaffe, Shoppe fär Mexico, Schueubsüech mache, gniesse... zueluege wie die andere abflüge .
Höt si die erste 2 abgfloge, Australie und Neuseeland. D Patricia flügt i 6 Täg....und eg i 63 .
Naja, baud eschs 1 Monet und xx Täg . gruuselig und toll .
No 44 Stond Schueu met mire Klass, höt der letzt Choruftrett gsi, am Donstig gömmer no go "we will rock you" gugge metem Chor, da werd deeer hammer .
Und sösch... im Moment goni eifach no chli id Schueu, mache ned vöu... ha aber agfange mini Packliste schribe, und schribe wasi no alles mues erledige... und das esch veeell :O.
S Visumszüg werd ou no mega kompliziert, e hoffe e bechome das no rechtzitig.
Jo, im Moment schribi säute esch mer ufgfaue... Wahrschinlech schribi ou ersch weder inere Woche, wenn der letzt Schueltag gsi esch.

Buenas Noches

P.S: Der gloubets secher ned, aber e lose französischs Radio... e bruch die Sproch eifach zwöschedöre... wöu eigentlech esch si wonderschön <3. Ha ou e Ordner ufem PC met Lieder wo z Frankriich emmer gloffe si, faus i Frankriich weder mou chli vermesse .
Sime am 29.6.07 22:52


If you leave...

Mood: Glii glii gliii
Music: Ein Kompliment - Sportfreunde Stiller

Gester esch mis Abschedsfest gsi met der Pfadi... so süss und so jööö =(. Mer si nach Basu is Papa Joe's go ässe und denn no zu der Pieps hei wo jo stormfrei gha het.
Mer hei före Obe Dresscode gha, nämlech ganz elegant . Und das esch wörklech....komisch gsi :P.
Do chöme jetz Föteli und eis Video. Im Video hei mer grad met der Happy telefoniert und d Moni hets Telefon becho...
Denn no öpis: Nei, mer hei üs a dem Abschedsfest ned total d Kante gä, mer hei wörklech ned vell dronke, die Föteli si eifach so versifft well der Bletz zemlech starch gsi esch und jo... well mer emmer so si xD.
Ahjo, die Sache si öbrigens mit mire ganz eigete 7 MP Digicam gmacht worde .
Do der Link zu de Föteli/Videos, eifach emmer rechts "next" dröcke...

Sösch chont das metem Ustuschjohr eeemmer nöcher... no 68 Täg . Am Mäntig ire Woche chont der Pascal nomou verbii (Mi KoVo (Komiteevorsitzender)) und redt no es letzt Mou chli met mer öbers Ustuschjohr und so. De Siech esch so lostig, er esch jo Fotograf und het gseit weni no paar schöni Föteli vor Mexico wett seli mi melde .
Denn fot "Auf und davon" jetz de weder a, met eire woni kenne wo nach Bolivie got... und es get 100 Folge! Yeah

Lüüt, i 2 Mönet und eire Woche hocki scho im Flugzüg nach Mexico!!
Sime am 24.6.07 21:47


 [eine Seite weiter]





Gratis bloggen bei
myblog.de